Nugae

[Zythophilus]

Victis Austria nunc feris triumphat,
quique acres latices amant, Polonis,
nec iam posse sibi resistere ullum
in mundo putat et pilam uolantem
se metae melius dedisse cunctis.

[mystica]

[Zythophilus]

Quo celeri cursu contactis nubibus ibis?

An te restituit machina prompta solo?

Daedalea uolucres ueloces arte lacessas,

quas tenet aura leues, ut superentur aues.

[Zythophilus]

Redditus a Graecis patriis Aerarius aruis.

„Scurra foris, sodes", dixit Achaia, „mane!“

[mystica]

[Zythophilus]

Miratus quaero, fuerit malus ille cinaedus,

qui completa mero uasa dapesque daret,

an tam terribiles et atroces coxerit escas,

cauponem ut uomeret turba cibosque querens.

https://cdn.sci.news/images/2020/12/ima ... polium.jpg
Hac in imagine aliquis uerba, quae uxi legi possunt, scripsit: NICIA CINAEDE CACATOR

[mystica]

[Zythophilus]

Germanos uincit fortes Heluetica turma,

ut missa pereant somnia magna pila.

[Zythophilus]

Victrix uisa mihi falso est Heluetica turma,

nec tamen hanc ludi di superare sinunt.

[Zythophilus]

Qui Dominum liquidis Iordanis tinxerat undis,

baptistae est hodie credula turba memor.

[mystica]

[Zythophilus]

Faciamus facile hexametrum et addamus pentemetrum:
Felis scire cupit, quid uir conscripserit iste,

uerum uerba uiri bestia nosse nequit.

[Zythophilus]

Ecce, truces Batauos in pratis Austria uicit

terque pilam metae retibus ausa dedit.

[mystica]

[mystica]